El surdimientu d' un país

Nel añu 718 producese la coronación de don Pelayu cumu rei d' Asturias, antecesor del Reinu de Llión. La coronación de don Pelayu nun puede pescanciase cumu continuación de los godos, sinón más bien cumu monarca elexíu pulos astures, anque la participación goda nestos y posteriores enfrentamientos escontra los musulmanes ye más que probable. Durante' l reináu d' Alfonsu II "el Castu" y cul sofitu del sou sobrinu, Bernardu del Carpiu, tomanse Zamora y Salamanca. La capital trasladase a Uviéu y, la importancia de la nueva entidá llïonesa va ganandu pesu.

García I. Primer rei nominativu de Llión, de 910 a 914. Tras la muerte d' Alfonsu III "el magnu" d' Asturias el reinu fou dividíu ente los sous tres fiyos; Fruela heredóu Asturias, Ordoñu Galicia y García, el primoxénitu, reservóuse Llión.

Gran gerreiru, fortalecióu definitivamente la lliende meridional del reinu, chevóu al sou exércitu ata el territoriu d' Arnedu pa delimitar la espansión navarra, y tras una batalla escontra los musulmanes nesta llocalidá rioxana murréu nos entamos del añu 914.

Afitamientu y espansión del Reinu de Llión

Ordoñu II. Rei de Llión de 914 a 924. Tras la muerte del sou harmanu García, fou aclamáu rei pur una asambleya de magnates y prelaos, reinandu tamién en Galicia y n' Asturias. Traslada la sua sede a Llión, convirtiéndola na capital del reinu. Combatióu a los musulmanes devastandu l' autual Mérida.

En 916 sofitáu pul rei de Nabarra fizu frente a una espedición de Abderramán III y lu vencen en Gormaz. En 918 tamién xunta' l monarca nabarru marchóu a l' escontra de Náxera y posteriormente a l' escontra de Tudela y Tarazona; peru la réplica musulmana nun se fai asperar y en 920 pierdese Gormaz. En 922 los castellanos entaman la sua primeira rebelión axebriega peru son sofocáos. En 924 sorprendeye la muerte ente Llión y Zamora.

Fruela II. Rei de Llión de 924 a 925. Fiyu d' Alfonsu III el Magno d' Asturias y de la esposa d' ésti, Ximena de Nabarra; harmanu de los reis anteriores. Algamóu coronase rei desplazandu a los fiyos del sou harmanu Ordoñu II. Sigún las crónicas de la época enxamás gozóu del fervor nin del favor popular.

Desterróu al obispu de Llión, Fruminiu. Murréu de lepra nel 925, xuramente nos entamos del branu. Tuvu tres fiyos, Alfonsu, Ordoñu y Ramiru.

Alfonsu Froilaz. Rei de Llión en 925. Tras la muerte del sou pai, el rei Fruela II, sufrióu las cospiraciones los sous primos Alfonsu, Sanchu y Ramiru pa que non ocupara el tronu llïonés lu que nun algamanun d' un xeitu inmediatu; poru, la entronización d' Alfonsu Froilaz chevóuse a cabu, anque sólu reinóu durante unos poucos meses.

Alfonsu IV, chamáu "el Monxe". Rei de Llión de 925 a 931. A la muerte del sou harmanu Sanchu (929), Alfonsu xune tolos reinos que forman parte de la Corona de Llión; pur tantu, yá n' aqueilla época s' estremaba perfeutamente lu que yeran Llión, Galicia, Asturias, Castiella y Lusitania.

Impresionáu pula inesperada muerte de la sua esposa, Oneca, decidióu retirase a la vida relixiosa y faise monxe' n Safagún, ingresandu nel monasteriu de Domnos Sanctos, xunta' l ríu Cea abdicandu nel sou harmanu Ramiru. Poucu dispués, arrepentíu, proclamase de nuevu rei en Simancas (931) aprovechandu que Ramiru sitia Toledu. Ramiru torna, toma Llión y saca los gueyos a tolos sous oponentes.

Ramiru II. Rei de Llión de 931 a 951. Fiyu d' Ordoñu II subióu al tronu llïonés tras l' adicación del sou harmanu Alfonsu IV, quien dalgún tiempu dispués intentóu recuperarlu anque fou derrotáu pur Ramiru.

Se trata d' un rei, sigún las crónicas de Sampiru, de corte escepcional, d' una llínea costante de tensión heróica. Continóu cuna espansión de la Corona Llïonesa creyandu nuevas circuscripciones repoblandu cun mozárabes, gallegos, toresanos, vascos, zamoranos, portugeses y aragoneses. Dos de las ciudaes que repoblóu fuenun Salamanca y Ciarrodrigu. Entamóu campañas escontra Abderramán III, conquistandu fugazmente Madrí ya interviniendu en Zaragoza. Vence estrepitosamente al califa nel Fosu (La Maya, cerca de Salamanca, en 939). Na batalla de Simancas, en 939, vence a los musulmanes y Abderramán fuye vencíu dafeichu. Tras la postración cordobesa, desenrrollóu ensin pérdida de tiempu el gran proyeutu de repoblación del territoriu del Tormes, deixandu afitada la organización alministrativa de las tierras de Salamanca ata el cordal montañosu de Béyar. Postreiramente se volcóu na sua autividá de las xeiras interiores. Tras el ésitu de la cabeira campaña militar desenrrollada en Talavera (950) Ramiru II murréu en xineiru de 951.

Ordoñu III. Rei de Llión de 951 a 956. Fiyu de Ramiru II y de la sua primeira esposa, Adosinda. La sua infancia desenrrollóuse nas tierras lusitanas de Coimbra y Viséu y siendu entá un infante casóu cun Urraca de Castiella, fiya de Fernán González.

Tras la sua boda procede a la escarcelación de los Condes de Castiella y de Saldaña. El sou harmanu Sanchu, en coalición cul sou tíu carnal el rei García de Pamplona y cun Fernán González, caún cul sou propiu exércitu, acercanunse a Llión pa espulsar a Ordoñu del sou reinu y poner nel sou llugar a Sanchu. Peru Ordoñu derrota a toos en Llión y Sanchu fuye, demientras Fernán González ye apresáu de nuevu y Castiella ye sometida. Poucu tiempu dispués somete una sublevación en Galicia y aprovechandu la oportunidá robustece la estrema lliende portugesa ata Llisboa (955). En 956, estandu Ordoñu en Zamora, enfermóu y murréu prematuramente d' un fuerte acesu febril, cuandu apenas pasaría de los treinta años. Fou sepultáu en Llión, na igresia del Salvador, xunta' l sou pai.

Sanchu I, chamáu "el Crasu". Rei de Llión de 956 a 958 y de 960 a 966. Fiyu de Ramiru II y de la segunda esposa d' ésti, Urraca Sánchez; y sucesor del sou harmanu Ordoñu III.

Tras la inesperada muerte d' Ordoñu III pudu aceder, a la fin, al codiciáu tronu llïonés. La sua escesiva y ridícula figura xuntu a un caráuter vanu, arguyosu y belicosu ficienun d' él un monarca impopular. Al nun sere capaz de dominar a los castellanos, el sou propiu exércitu espulsalu de Llión, marchandu a Pamplona, cuna sua tía Tota. Tola cimeira xente del reinu elixióu pur rei a Ordoñu, fiyu del rei Alfonsu que fuera cegáu. Fuye dispués a Córdoba onde algama la presonal estimación d' Abderramán y el conciertu d' un plan encamináu a la sua reposición nel tronu llïonés. Asina, nos entamos de 959, marchóu a l' escontra de Zamora y ocupóu la ciudá tras unos cuantos días d' asediu y al mes darréu algama entronizase de nuevu; tras tóu eillu seye observa una xeneral meyora nas suas autitúes de goviernu. En 966 desendolcase un alzamientu xeneralizáu nas tierras de Galicia. Tras pacificar Galicia se propusu facer outru tantu de lu mesmu más al sur y habiéndolu más ou menos algamáu y de vuelta p' hacia Llión ún los nobles gallegos, Gonzalu Núñez, envenenaye astutamente. Murréu camín de Llión nel mes de noviembre de 966.

Ordoñu IV, chamáu "el Malu", "el Xorobáu" ou "l' Intrusu". Rei de Llión de 958 a 960. Fiyu d' Alfonsu IV, anque dalgunas fontes apuntan a Alfonsu Froilaz cumu el sou proxenitor. Dende la sua nacencia fou la viva imaxen de la mediocridá. La sua inesperada proclamación cumu rei, desprovista de la necesaria llexitimidá, fou un feichu impuestu pula voluntá de los magnates del reinu, baixu el protagonismu del conde castellanu Fernán González. Tras la reposición nel tronu de Sanchu I, abellugase de manu n' Asturias, lluéu en Burgos y finalmente en Córdoba, onde murréu poucu dispués.

Ramiru III. Rei de Llión de 966 a 984. Fiyu y sucesor de Sanchu I el Crasu y de Teresa Ansúrez de Monzón. Casóu cun Sancha, una muyer perteneciente a una poderosa familia asentada ente los rios Cea y Pisuerga.

Acedióu al tronu cun tan sólu cincu años, baixu la rexencia de la sua tía Elvira. En 980 casase cun Sancha y ye' l entamu de la sua autuación oficial. Un añu dispués un poderosu exércitu formáu pur Ramiru ye vencíu en Zamora pur Almanzor quien saqueóu al sou antouxu la sua redolada, chevóu deillos millares de cautivos y dispués marchóu sobru Castiella. Al haber teníu n' esta campaña el sofitu castellanu, el pueblu llïonés ponse a l' escontra del sou monarca, l' obispu Pelayu chamaye hipócrita y soberbiu, mientras l' obispu d' Astorga, el cronista Sampiru, tachaye de inmaduru ya inorante. La pérdida de Zamora desacreditaye en tola Corona; los condes gallegos se rebelan en 982 y, tras la indecisa batalla de Portiellu Arenas (982-983), se refuxia n' Astorga, abandonáu pulos sous sigidores onde murrería en xullu de 985.

Bermudu II, chamáu "el Gotosu". Rei de Llión de 984 a 999. Únicu fiyu y sucesor d' Ordoñu III, anque tóu apunta a que tratábase d ' un fiyu bastardu. Casóu en primeiras nupcias cun Velasquita Ramirez, fiya más que probable de Ramiru II y de la sua segunda esposa, Urraca de Nabarra. Más tarde Bermudu casóu cun Elvira García (992).

Arribóu al tronu gracias a los sous mueitos partidarios. Entróu' n Llión en 984 recibiendu pacíficamente el reinu. Teresa, la mai del difuntu rei Ramiru, apelóu al sofitu d' Almanzor pa recuperar la corona pa la sua familia peru el caudillu amirí sofitóu a Bermudu. La plaza de Zamora tornóu a manos llïonesas a cambiéu de la sumisión a Córdoba y del pagu d' un fuerte tributu anual. La sumisión militar ponse de manifiestu con la presencia de tropas cordobesas en el interior del reino leonés. La ruptura d' esta allianza motivóu la intervención d' Almanzor, unviandu sendas campañas escontra Llión nos años 987 y 988, tomandu Coimbra y saqueandu la ciudá de Llión y la rexón de Zamora. Nobles gallegos y llïoneses aprovechanun el intre de zozobra pa xunise al caudillu cordobés. Astorga cayía nas manos d' Almanzor en 995 y Bermudu solicitóu la paz. Peru Almanzor nun reacionóu ante esta solicitú y cul sofitu de la nobleza galaicu-pertuesa rïalizóu una riestra de campañas por tierras llïonesas, arribandu a Santiagu de Compostela (999). Bermudu torna a solicitar la paz y entrega una fiya a Almanzor cumu esposa, peru nun algama frenar al cordobés, murrendu en setiembre del añu 999.

Durante el sieglu X entama a formase la Corona Llïonesa, y dientru d' eilla el Reinu de Llión cumu una de las primeiras nacionalidaes hestóricas europeas. Ye un rasgu cimeiru del País Llïonés n' esti intre de la sua hestoria la disparidá de razas, credos, opiniones ya influyencias, cuna tema de fondu d' un celtismu enxamás oficializáu y basándose nel mozarabismu, un tantu desemeyáu del goticismu.
L' hestoria del Reinu de Llión nun tá esenta de frustaciones, peru la sua voluntá d' afitamientu ye costante.