Alfonsu V, chamáu "el Noble". Rei de Llión, de 999 a 1028 . Fiyu de Bermudu II el "Gotosu" y d' Elvira García. Casóu en primeiras nupcias cun Elvira Menéndez, fiya del que fou el sou tutor, y en segundas cun Urraca de Nabarra, harmana del poderosu rei Sanchu III "el Mayor".
El sou reináu coincidióu cunos cabeiros años de la vida d' Almanzor, que tovía derrotóu a los exércitos cristianos en Peña Cervera, saqueandu postreiramente las fasteiras de Burgos y de Pamplona. Nell 1002 morría el caudillu árabe, lu que supondrá un granible respiru pa los reinos cristianos. Hubu multitú d' enfrentamientos escontra Abd-Al-Malik, fiyu d' Almanzor, peru la muerte d' ésti nel 1008 y la toma del poder pul sou harmanu Abderraman "Sanchuelu", xunta la temprana mayoría d' edá d' Alfonsu V (motivada pul asesinatu del Conde Menendu González) fizu qu' el Reinu de Llión se fuera recuperandu de los años anteriores. En 1017 aconceyóu a los nobles y magnates en Curia Plena, d' onde saldrían los Fueros de Llión. Fizu frente a una nueva invasión de normandos y a los nagues expansionistas del Conde de Castiella Sanchu García, finadas cuna sua muerte. La tensión esistente cun Nabarra pulos territorios llimítrofes se vióu apaciguada pul sou matrimoñu cun Urraca, harmana de Sanchu Garcés III, cuna que tuvu a Bermudu III, Sancha y Ximena. Cuna paz nel Reinu, intentóu retomar las lluchas escontra los árabes, peru murréu nel sitiu de Viséu en Xunetu de 1028 algamáu pur una flecha enemiga, yá que debíu al enorme calor reinante, el monarca nun chevaba puesta nenguna coraza proteutora, lu queye permitióu sere blancu fácil pa los musulmanes.
Alfonsu V rializóu una gran llabor recostrutora sofitánduse en Galicia, pues el Reinu de Llión taba práuticamente desechu, y sentóu las bases del Dreichu Llïonés, sofitáu nel godu-romanu, peru estremáu pulos sous añadios célticos, cunu que afondóu las desemeyanzas ente Llión y Castiella, afitandu las peculiaridaes llïonesas.
Bermudu III. Rei de Llión de 1028 a 1037. Fiyu d´Alfonsu V y d´Elvira Menéndez. Casóu cun Ximena Sánchez, que yera fiya de Sanchu I García y Urraca Salvadórez.
Reinóu ata la sua mayoría d´edá baixu la rexencia de la sua madrastra Urraca de Nabarra. El sou reináu fou l´escenariu de las lluchas continuas cun Sanchu III el Mayor de Nabarra. Alegandu dreichos dinásticos, el rei navarru Sanchu III había ocupáu las tierras palentinas comprendidas ente´l Pisuerga y el Cea, dispués del asesinatu del conde castellanu García Sánchez (1017-1029). Sanchu III s´adueñóu de Zamora, Astorga y Llión (1034) y Bermudu III tuvu qu´abellugase en Galicia. Sólu dispués la muerte de Sanchu III (1035) pudu recuperar los sous territorios. Murréu ensin descendencia, na batalla de Tamarón (1.037) en que s´enfrentóu a Fernandu I de Castiella, a quien había pedíu la devolución las tierras palentinas.
Fernandu I, chamáu "el Magnu". Rei de Llión de 1037 a 1065. Segundu fiyu de Sanchu III el Mayor de Nabarra. Acedióu al tronu llïonés pul sou matrimoniu cun Sancha, heredeira del Reinu de Llión a la muerte del sou harmanu Bermudu III.
Coronáu rei de la Corona de Llión, favorez a los castellanos a quienes yá governaba antes, dándoye a Castiella pula primera vegada el títulu de reinu. Poru, ye mal vistu pula nobleza y pul pueblu llïonés. Introduz idegas europeístas y afianza las lliendes llïonesas pul sur, pulu que´l pueblu fina aviniéndose cun él. Durante el sou reináu cellebrase el Conciliu de Coyanza (cunos obispos del norte y del sur del reinu) y continúa cuna xeira de recostrución del autual País Llïonés. Las enemistaes visibles y patentes ente astures-llïoneses, castellanos y gallegos, impulsan a Fernandu al repartu la herencia de la Corona, sigiendu la costume patrimoñal nabarra; el primoxénitu, Sanchu, heredará Castiella (pues el Reinu de Llión nesos intres ye un acaptu, tierra conquistada); Alfonsu, el Reinu de Llión y Asturias; García, Galicia; y Urraca y Elvira reciben el señoríu de los monasterios que gobernarán dende Zamora y Toru respeutivamente. Pa esti repartu s´acoyióu a "las lleis nabarras", nidiamente, yá que la "llei goda" imperante nel reinu llïonés prohibía la división del patrimoñu. En 1065 sitía Valencia peru al sentise enfermu tornóu a Llión, onde murréu n´ Avientu y 27 d´esi mesmu añu, siendu enterráu na Igresia de San Isidoru.
Alfonsu VI, chamáu "el Bravu". Rei de Llión de 1065 a 1109. Segundu los fiyos de Sancha de Llión y de Fernandu I. Sucesor del sou pai nel tronu llïonés; heredóu del sou harmanu Sanchu, en 1072, tamién el tronu castellanu. Casóu en primeiras nucias cun Inés de Aquitania, lu que determinóu una granible influyencia francesa, dispués uon Costanza de Borgoña, circustancia que facería aumentar inda más esa mesma influyencia al traviés de los monxes de cluny. Darréu casóu cun Berta de Borgoña, más tarde cun Isabel (ou Zaida, d´orixe árabe) y cabeiramente cun Beatriz d´ Este.
Enfrentáu cuna ambición del sou harmano mayor, Sanchu de Castiella, ye vencíu en Llantada (1068) y tras la batalla de Golpexara (1072) que fou indecisa, pur incitación de Rodrigu Díaz, dispués chamáu "el Cid castellanu", Sanchu ataca el campamentu llïonés mientras duermen y Alfonsu refuxiase en Toledu. Urraca, harmana de dambos, defendiendu los intereses de la Corona Llïonesa, faise fuerte en Zamora, que ye sitiada pul exércitu castellanu. En Zamora tán tolos que nun quieren que los reinos de Llión y de Castiella permanezcan xuníos baixu Sanchu. Tras un asediu de cincu meses, el héroe Bellidu Dolfos mata al rei de Castiella ante los muros de Zamora. Tras estos acontecimientos los castellanos chevanse el cadáver del sou rei pa enterrarlu y llevantan el cercu sobru la capital del Dueru; Alfonsu torna de Toledu, peru entós los castellanos, cul Cid cabezaleiramente, piden responsabilidaes ("xura de Santa Gadea"). Alfonsu VI calmayes, y conquista pa eillos La Rioxa, a costa de Nabarra, y Toledu a los musulmanes que l´acoyienun.
(Xura de Santa Gadea)
Tras tóu eillu el rei de Sevilla pide l´ausiliu de los almoravides quienes derrotan a los llïoneses y a los castellanos en Sagraxas y en Badaxoz. De tolos xeitos las diferencias ente llïoneses y castellanos s´afondan y el conde Ansúrez funda Valladolí, cumu ciudá defensiva de los llïoneses escontra Castiella; Ansúrez ye enemigu presonal del Cid, peru Valladolí pasará prontu a manos castellanas. Cuandu los almoravides tornan a derrotar a Alfonsu VI en Uclés (1108) desencadenan el derrumbamientu cristianu al sur del Taxu y, dalgu más transcendente pa él, la muerte del sou únicu fiyu varón, Sanchu, habíu cuna sua cuarta esposa Isabel ou Zaida. Alfonsu VI murréu en Toledu en xunu de 1109.
