Agora ye una asociación autónoma d' esquierdas del País Llïonés nacida nel añu 2007. Tien un calter de conceyu participativu. El sou oxetivu cimeiru ye la costruición d' un País Llïonés baixu los principios d' una democracia participativa. Las suas bases ideolóxicas son el llaicismu, el ecoloxismu, el feminismu, el socialismu, el llïonesismu, el internacionalismu ya el dreichu d' autodeterminación.

El Colleutivu Ciudadanos del Reinu de Llión ye una asociación llïonesista que llucha pul autogoviernu del País Llïonés. Tien cumu oxetivos la defensa la identidá llïonesa y de los dreichos hestóricos del Reinu de Llión y de los sous ciudadanos, la sua reconocencia en cualisquier ámbeto y llugar y la creyación de la Comunidá Autónoma de Llión integrada pulas provincias de Llión, Salamanca y Zamora.

El Fueyu ye una asociación cultural de la Llingua Llïonesa que naz nel añu 2002 cul finxu de fomentare la conocencia y deprendizax d’esta llingua ente la sociedá en xeneral, y la llïonesa en particular. Dende El Fueyu se trabaya nun solu pula reconocencia y oficialidá dafechu na plana alministrativa de la nuesa llingua, sinón tamién pul sou represtixu social y toma de conciencia de tolos llïoneses pa que la nuesa llingua perviva cumu tala.

El Toralín ye una asociación berciana en defensa de la llingua propia d'esta tierra, el llïonés. Tién cumu oxetivos solicitare la proteición oficial pula parte del Conseyu Comarcal d'El Bierzu y demás istituciones públicas, potenciare y promovere cursos p'adultos, promovere la creyación lliteraria en llionés d'autores bercianos y desenrrollare campañas de concienciación y conocencia de la nuesa llingua.

Los finxos cimeiros de la Plataforma Pro Identidá Llïonesa son potenciare y difundire, dende un puntu d´autuación ensin oxetivu políticu, los vezos de la etnografía ya identidá propia de la Rexón Llïonesa. Desendolcare aiciones p´algamare que´l pueblu llïonés seya estimáu, respetáu, conocíu y difundíu nos deillos aspeutos, hestóricos, xïográficos, culturales, llingüísticos, sociullóxicos ya económicos, queye iguan. Concienciare a tola opinión pública, a las istituciones ya organizaciones, de la necesidá democrática y deulda hestórica pa cul pueblu llïonés, que pue decidire llibre y democráticamente´l sou futuru autonómicu.

Raigañu ye una asociación de Cultura Tradicional Llïonesa que llucha pula recuperación de las siñas d' identidá de la Rexón Llïonesa.

Los finxos d' esta asociación fundada' n 2.004 ye la rialización d' autividaes sociales, culturales y recreativas que se desendolcarán avenceyadas a la recuperación, caltenimientu, manifestación y difusión de los nuesos Pendones Leoneses, cumu siñificáos ellementos q' integran el patrimoñu del Reinu de Llión y representan la nuesa identidá.