Antecedentes hestóricos

L'autual País Llïonés tuvu yá habitáu dende'l Paleulíticu Superior. Hai costancia de rastros humanos d'esta época nel norte la provincia de Llión, concretamente en Llaciana y Valdeón; y tamién y, especialmente, na provincia de Salamanca, en Siega Verde, que ye consideráu ún de los cimeiros esponentes del arte paleulíticu. Tratase d'un yacimientu al aire llibre onde s'atopan figuras d'animales propios d'ésti períodu.
Del Paleulíticu Inferior los atopamos nas proximidaes de la ciudá de Salamanca. Dientru'l Neulíticu s'alcuentra'l periodu chamáu "Asturiense", pula apaición de picos tallaos de cuarcita carauterísticos d'esta época, a dambos llaos del cordal cantábricu; onde dispués s'establecienun los astures.
De la época megalítica (2.500-1.750 e.C.) chegaran ata guei abondas d'estas costruciones, sobrutóu na provincia de Zamora.

Los celtas

Los Celtas costituyen el primer grupu humanu importante que puebla el territoriu del autual País Llïonés. S'estendienun dende'l centru d'Europa p' hacia l'uesti, ocupandu gran parte del continente. Estas invasiones entaman hacia'l añu 700 e.C. y debienun de finar p'hacia'l 500 e.C., aprosimadamente.
El pueblu celta yera eminentemente belicosu y amante la natura (solían aconceyase nas prosimidaes de biescas y cursos d'augua pa cellebrare los sous ritos), indómitu ya individualista, amante de lleyendas ya hestorias imaxinativas; grandes gerreros (homes y muxeres al empar) que prestaban d' esaxerare las suas fazañas bélicas y, en ciertu móu catastrofista, cun un acusáu avenceyamientu p' hacia lu matriarcal y mui lligaos a los sous vínculos de sangre, amistá y honor. Nel País Llïonés, los invasores celtas amestanunse cunos habitantes llariegos anteriores a eillos, quienes aceutanun y s'integranun na sua cultura ya el sou xeitu de vida mui rápidamente. Esta raigame céltica tovía se caltién en muitos aspeutos de la mentalidá popular autual.
Dientru la sua organización social cabe destacar a los "keltes" ou xefes militares y a los "druidas" ou xefes relixosos, quienes en los sous habituales viaxes intercambiaban ente sí tóu tipu de conocencias. 
Se dedicaban cimeiramente a la caza, la pesca, l'agricultura, la ganadería (esencialmente caballar) y l'artesanía; nun faciendu distinción de profesiones pur raizón de sexu. Vivían en poblaos nominaos castros, de xeitu circular, en los sous llímites amontonaban cantos rodaos cumu defensa. Ca familia habitaba una casa (palloza) que disponía d'un piqueñu campu pa los sous llabores agrícolas y ganadeiros. En ca castru esistían artesanos mui importantes pa la sua economía tales cumu carpinteiros, fierreiros, alfareiros y teixedores. Los celtas creyían na resurreición y, quiziabes, tamién, na reencarnación, y los sous dioses vivían nas biescas, montes ou auguas.
Las tribus celtas que s'asentanun nel territoriu del autual País Llïonés fonun las d'arréu:
Los cántabros. S'establecienun na parte noruriental l'autual provincia de Llión. La sua capital yera Vadinia (l'autual Riañu).
Los astures. Poblanun los márxenes del Astura (autual Esla) y el Sil ata'l Cea y Zamora pul Esti, el Sabor pul Uesti y el Dueru pul Sur. Los astures s' estendienun, postreramente (sobru' l sieglu II d.C.) p' hacia'l norte, ocupandu lu que guei ye Asturias.  La capital los astures fou l'autual Astorga.
Los galaicos. Poblanun la parte más ucidental de l'autual provincia de Llión, adientrándose na totalidá del autual territoriu gallegu, ente'l Dueru al Sur y el Sabor al Esti. 
Los vettones. Poblanun las dos vertientes del sistema vetónicu. Los romanos confundienunyes nun entamu cunos lusitanos, que se situaban hacia'l Uesti y cun quienes permanecían cumu alliaos. La sua capital fou Helmántica (Salamanca), onde residióu el princeps, ou xefe la tribu, inda dispués de cayere nas manos de Roma. Son céllebres los sous monumentos chamaos "verracos", en Toru, Salamanca, Villalcampu, Ciarrodrigu, Gallegos d' Argañán, etc.
Los vacceos. Posiblemente los menos influyenciaos pula cultura celta. S'asentaban dende'l Dueru y Toru hacia la Tierra de Campos, ocupandu la parte Noresti de l'autual provincia de Zamora. La sua capital yera Palantia (Palencia) y mayoritariamente cerealistas.

Lluchas escontra Roma

Pa finare cuna conquista la península hispánica, Roma debía tomare los territorios ocupaos pulas desemeyadas tribus celtas del Noruesti. Lúculu algama facese cun Intercatia, ciudá vaccea, pula diplomacia y xúnese a esta allianza Helmántica, capital los vettones. Pur embargu, deillos años dispués, 151 e.C., el pretor Galba provoca una matanza en Ocellum (l'autual Zamora) lu que desendolca'l llevantamientu la ciudá d'Ocile (Fermoselle) y cun él la figura del caudillu lusitanu Viriatu ou Várate, quien de manu cuna gerra de gerrillas y, dispués en campu abiertu, algama vencere sucesivamente a ouchu cónsules unviaos pur Roma (Vetiliu, Planciu, Unimanu, Nixidiu, Leliu, Quinciu, Servilianu y Cepión) mediante la xunión de vettones y lusitanos.
Viriatu fou asesináu pur unos celtíberos embaucaos pur Roma, lu que supón l'axebra de los celtas y la ocupación romana de los sous territorios. Peru inda quedaban cántabros y astures. Los sigientes en cayere fonun los cántabros; vencíu el sou exércitu, el caudillu cántabro Arrenu ye crucificáu y los cabeiros vadinienses resistienun en Vérxida. Invaden postreiramente los romanos el territoriu astur pul Norte del Esla, la llucha ye encarnizada peru tamién son vencíos, los cabeiros astures s'abellugan en Llancia. La toma de Llancia pon el puntu y final a la nominada "batalla del Esla" que duróu más de veinti años y que pusu a la totalidá del territoriu llïonés baixu el domiñu de Roma. Pa podere finar la conquista ata el propiu emperador Augustu tuvu que participare nestos feichos. Nun fou la conquista d' Hispania lu que chevóuye 200 años a los exércitos romanos, sinón la conquista de los territorios vettones, astures y cántabros, ye dicir, el territoriu del autual País Llïonés. Comu pueblu invasor, los romanos trayenun confusión moral y social, que'l pueblu prellïonés nun paez fuese capaz d'asimilare dafeichu. La romanización nun fou más que superficial y estu lu preba el feichu de que la cantidá de vezos anteriores a eillos caltenidos guei ye importante. Pur embargu, la sua influyencia sí lu fou, pula asimilación del idioma y los xeitos de llexislase y governase dispués.

Bárbaros y musulmanes

Las primeiras invasiones de los pueblos bárbaros tienen llugar a partire los entamos del sieglu V. Éstos pueblos son:
Los suevos, d'orixe centrueuropéu, posiblemente de l'autual Polonia. L'autual País Llïonés fou una zona vital pa esti pueblu y el sou asentamientu eiquí duróu dalgu más de sieglu y mediu.
Los alanos, d'orixe asiáticu.  Mui poucos d'eillos permanecerían nel nuesu territoriu, s'asentanun na parte meridional la península.
Los vándalos asdingos, d'orixe centrueuropéu, posiblemente del sur de l'autual Polonia.  Obligaos pulos godos, abandonan el sou asentamientu habitual y recourren la mayor parte de l'Europa ocidental ata asentase al sur la península hispánica.  Postreiramente invaden la práutica totalidá del autual territoriu llïonés faciendu retrocedere tantu a suevos cumu a visigodos.  Finalmente fonun refugaos, inda de la propia península y obligaos a asentase nel norte d'África, fundandu el Reinu africanu los Vándalos.
Los godos ou visigodos, d'orixe escandinavu. Organizanun cultivos nas quintas romanas y lleganunos el sou códigu de lleis, el “Códigu d'Euricu”, que sedrá base ou llibru llegal del reinu llïonés medieval.  A eillos debemos tamién el primer monumentu d'una granible categoría artística calteníu nel nuesu territoriu, “San Pedru la Nave”, en Zamora.

Los vitizianos allinunse cunos musulmanes, albidrandu qu'éstos, vencíu el sou oponente don Rodrigu, tornaríanyes la corona. Peru nun fou d'esti xeitu, pues los recién chegaos repartense'l territoriu. Al norte del Duero se sitúan los bereberes, procedentes del norte d'África. Al sur, los árabes, exipcios y sirios, al sou mandu Muza qu'entra en Salamanca en 712. La resistencia fou práuticamente nula al sere la mayoría vitizianos, nun habiendu matanzas nin estruciones. Tan sólu Benavente y Valderas son tomadas al asaltu. Sólu dalgunos godos y los astures organizanun la sua resistencia nas montañas cantábricas. Las secuelas de la gerra civil goda durarán inda muitos años. La oficialidá, pur embargu, sedrá musulmana y lu sigirá siendu durante dalgún tiempu más.

El Reinu de Llión

García I. Primer rei nominativu de Llión, de 910 a 914. Tras la muerte d'Alfonsu III "el magnu" d'Asturias el reinu fou dividíu ente los sous tres fiyos; Fruela heredóu Asturias, Ordoñu Galicia y García, el primoxénitu, reservóuse Llión. Gran gerreiru, fortalecióu definitivamente la lliende meridional del reinu, chevóu al sou exércitu ata el territoriu d'Arnéu pa dellimitare la espansión nabarra.
Ordoñu II. Rei de Llión de 914 a 924. Traslada la sede'l reinu a Llión. En 922 los castellanos entaman la sua primeira rebelión axebriega peru son sofocaos.
Fruela II. Rei de Llión de 924 a 925. Algamóu coronase rei desplazandu a los fiyos del sou harmanu Ordoñu II. Desterróu al obispu de Llión, Fruminiu.
Alfonsu Froilaz. Rei de Llión en 925. Reinóu sólu durante unos poucos meses.
Alfonsu IV, chamáu "el Monxe". Rei de Llión de 925 a 931. Xunióu tolos reinos que formaban parte la Corona de Llión.
Ramiru II. Rei de Llión de 931 a 951. Continóu cuna espansión de la Corona Llïonesa creyandu nuevas circuscripciones repoblandu cun mozárabes, gallegos, toresanos, bascos, zamoranos, pertueses y aragoneses. Dous de las ciudaes que repoblóu fonun Salamanca y Ciarrodrigu. Entamóu campañas escontra Abderramán III al que vence'n 939 en La Maya (Salamanca) y Simancas, en 939. Desenrrollóu el gran proyeutu de repoblación del territoriu del Tormes, deixandu afitada la organización alministrativa de las tierras de Salamanca ata'l cordal montañosu de Béxar.
Ordoñu III. Rei de Llión de 951 a 956. Sofocóu una sublevación entamada pul sou harmanu Sanchu, el sou tíu García de Pamplona y Fernán González y outra'n Galicia aprovechandu la oportunidá robustez la estrema lliende pertuesa ata Llisboa (955).
Sanchu I, chamáu "el Crasu". Rei de Llión de 956 a 958 y de 960 a 966. La sua escesiva y ridícula figura xuntu a un caráuter vanu, arguyosu y belicosu ficienun d'él un monarca impopular. Al nun sere capaz de dominar a los castellanos, el sou propiu exércitu espulsalu de Llión. Algama entronizase de nuevu dous años dispués. En 966 pacifica un un alzamientu xeneralizáu nas tierras de Galicia.
Ordoñu IV, chamáu "el Malu", "el Xorobáu" ou "l' Intrusu". Rei de Llión de 958 a 960. Dende la sua nacencia fou la viva imaxe la mediocridá. La sua inesperada proclamación cumu rei, ensin la necesaria llexitimidá, fou un feichu impuestu pula voluntá de los magnates del reinu, baixu el protagonismu del conde castellanu Fernán González. Tras la reposición nel tronu de Sanchu I, abellugase de manu n' Asturias, lluéu en Burgos y finalmente'n Córdoba, onde murréu poucu dispués.
Ramiru III. Rei de Llión de 966 a 984. En 981 un poderosu exércitu llïonés ye vencíu en Zamora pur Almanzor quien saqueóu al sou antouxu la sua redolada. La pérdida de Zamora desacreditaye en tola Corona.
Bermudu II, chamáu "el Gotosu". Rei de Llión de 984 a 999. La plaza de Zamora tornóu a manos llïonesas a cambiéu de la sumisión a Córdoba y del pagu d'un fuerte tributu anual. La ruptura d'esta allianza motivóu la intervención d'Almanzor, unviandu sendas campañas escontra Llión nos años 987 y 988, tomandu Coimbra y saqueandu la ciudá de Llión y la rexón de Zamora. Nobles gallegos y llïoneses aprovechanun esti intre pa xunise al caudillu cordobés. Astorga cayía nas manos d'Almanzor en 995 y Bermudu solicitóu la paz. Peru Almanzor nun reaicionóu ante esta solicitú y cul sofitu la nobleza galaicu-pertuesa rïalizóu una riestra de campañas pur tierras llïonesas, arribandu a Santiagu de Compostela nel 999.
Alfonsu V, chamáu "el Noble". Rei de Llión, de 999 a 1028. Sentóu las bases del Dreichu Llïonés, sofitáu nel godu-romanu, peru estremáu pulos sous añadios célticos, cunu qu'afondóu las desemeyanzas ente Llión y Castiella, afitandu las peculiaridaes llïonesas. En 1017 aconceyóu a los nobles y magnates en Curia Plena, d'onde saldrían los Fueros de Llión. Fizu fronte a una nueva invasión de normandos y a los nagues expansionistas del Conde de Castiella Sanchu García, finadas cuna sua muerte. Cuna paz nel Reinu, intentóu retomare las lluchas escontra los árabes, peru murréu nel sitiu de Viséu en xunu de 1028.
Bermudu III. Rei de Llión de 1028 a 1037. Reinóu ata la sua mayoría d'edá baixu la rexencia la sua madrastra Urraca de Nabarra. El sou reináu fou l'escenariu de las lluchas continuas cun Sanchu III el Mayor de Nabarra.
Sancha I. Reina de Llión de 1037 a 1065. Harmana de Bermudu III, a la muerte d'ésti gobernóu el sou reinu xunta'l sou maríu, Fernandu I.
Alfonsu VI, chamáu "el Bravu". Rei de Llión de 1065 a 1072 y de 1072 a 1109.