La Gaita Llïonesa

Dientru las gaitas llïonesas hai que desemeyar dous tipos, la gaita de fole y la gaita charra ou xifla salmantina. La gaita de fole llïonesa ye asemeyada a tolas gaitas de fuelle del noruesti peninsular. Nel País Llïonés suelen ser los propios gaiteiros los costrutores las mesmas, siendu lu más habitual la sua afinación en Sibemol. Tolos exemplares vieyos atopáos costan solamente del fole de pelleyu (de cabritu ou d' un pirru piqueñu) forráu de pañu, soplete, roncón ou rumbón y punteiru, careciendu de ronquetas y outros aditamentos que guei s' usan a imitación de las gallegas modernas ya inda de las escocesas. Ye' l istrumentu qu' anima las romerías y fiestas de bona parte del País Llïonés. Nel añu 2.001 naz "La Banda de Gaitas Ciudá de Llión" cul oxetivu cimeiru de difundir la música tradicional llïonesa tocada cun gaita.

La gaita charra o salmantina ye rïalmente una flauta de tres furacos, dous na sua parte superior y un na inferior, y que se toca cun una sola manu: la esquierda, a la vuelta que las suas melodías s' acompañan cul ritmu del tamboril, que se toca cuna manu dreicha. Poru ye que a los músicos que la tocan tamién chamaseyes tamboriteros. Ye asemeyada' l pitu rocieru andalú, al txistu bascu, al xiflu (del llatín sífilum, silbu, silbatu), que se toca en Xaca (Huesca) y el Serrablu, ou al pitu maragatu llïonés (Benavente), ente las flautas de tres buracos peninsulares. Se toca en cuasi tola provincia de Salamanca, especialmente na zona de Ciudá Rodrigu, Peña de Francia, pasandu yá al norte de Cáceres. La pallabra charru/a desina al aldeanu salmantinu, n' especial al de la rexón que comprende Alba, Vitigudinu, Ciudá Rodrigu y Lledesma y fai referencia a la zona onde se toca esti istrumento. El tamboriteru ye en tol País Llïonés y áreas d' espansión medieval cumu Estremadura y Tras os Montes el músicu tradicional más estendíu pur muitas las suas fasteiras, participandu nun sólu nel baile sinón tamién nas procesiones relixiosas, misas, bodas, etc. Frente a las gaitas charras más ellaboradas, cun boquilla y aros d' asta, las xiflas de la provincia de Llión son de madeira dafeichu. Tovía se tocan n' El Bierzu, la ribera del Órbigu y sobrutóu na Maragatería onde nun hai fiesta ensin tamboriteru.

Los Pendones del País Llïonés

Dende las gerras medievales nas que las "mesnadas", tropas que lluchaban al lláu del Rei y los nobles, servían de xeitu temporal a un los bandos, non hubiera un xeitu nidiu de desemeyar las fuerzas que taban na batalla d' ún y d' outru bandu.
Cumu nun esistía un determináu uniforme ou indumentaria reglada pa caún los bandos, asína cumu las costantes allianzas y desavenencias ente los desemeyaos nobles, daban llugar a muitas confusiones nel campu de batalla. Pur eillu, entaman a cobrare gran importancia las bandeiras y estandartes cuyos escudos y colores identifican d' ún xeitu inconfundible a caún los bandos que lluchan nel campu de batalla. Estos estandartes son los "pais" los autuales pendones.
Dáu que las primeiras referencias atopadas a estos estandartes s' atoparan en documentos medievales, los hestoriadores afirman qu' estos símbolos militares identificativos de cada grupu nuna batalla son los ascendientes direutos los autuales pendones. Pur emperu creyese que los pendones llïoneses no son tan vieyos cumu dalgunos estudiosos indican. Los contratos de los bordadores d' Astorga y Llión pa facer pendones encargaos pulos conceyos ou los mayordomos de las Igresias, son del sieglu XVI los mas vieyos, muitu mas abondos nos sieglos XVII y XVIII. Ensin dubia los pendones llïoneses tienen el sou orixe nos que portaban los soldaos de cada pueblu nas abondas lluchas medievales, peru hai un pasu intermediu qu' hai que demostrare y ye' l suo usu enantes del sieglu XVI.
Cuna final la mayor parte de las gerras y cruzadas, y la apaición de los uniformes, estos estandartes van perdiendu la sua condición militar y entaman a tomar un siñificáu más popular y civil. En dalgunos casos, entaman a llucir una cruz nel sou estremu superior, y entaman a ser un ellemento más en procesiones, fiestas y cellebraciones relixiosas. Cada pueblu ou fasteira solía contare cul sou propiu pendón y los sous propios colores, peru muitos van perdienduse a lu llargu la hestoria y outros muitos caen nel olvidu, calteniéndose nunas pésimas condiciones.
El xeitu de muitos los pendones, ye reutangular ou xeitu asemeyáu, de dous puntas cun un corte central, siendu, na mayor parte de los casos, mayor la punta superior que la inferior. La tela suele ser de seda, lana ou algodón, tupida, fuerte y formandu dibuxos cul propiu texidu. Las varas (palu onde se coloca l' estandarte) pueden medir dende 5 metros ata cerca los 15 metros. Teniendu en cunta estas llonxitúes podemos evaluar la dificultad qu' entraña portare un d' estos pendones.
Nu que cinca a los colores que se lucen, pueden vese colores dende' l roxu ou burdeos, color que simboliza el Reino de Llión (ye' l color que figura nel Pendón Rial de Llión y nel sou escudu heráldicu), el color verdi, qu' en muitas ocasiones apaez amestáu cul roxu (dicin que cada banda roxa siñificaba una batalla ganada), el moráu ye' l color que representa la lliturgia y autos rellacionaos conas cellebraciones relixiosas, el color azul que se rellaciona cun desemeyadas fiestas n' honor de la Inmaculada Conceción y ata los abondos colores cumu el blancu, amariellu y colores tierra que simbolizaban desemeyaos aspeutos dende la paz ata premios militares.
En Zamora durante la primavera deserrollanse deillas romerías que tienen una gran tradición. Una d' eillas ye la de los Viriatos de Fariza (primer domingu de xunu), na que cientos de sayagueses s' aconceyan y caminan dende Fariza ata la ermita de Nuesa Siñora el Castiellu. Lo chamativu de la romería son los ‘viriatos’, pendones blancos de gran tamañu que trasladan y que representan a cauna las parroquias la fasteira.
Anguañu, hai ñiciativas abondas pa la recuperancia d' esta tradición y recuperar y restaurar muitos los pendones llïoneses; el sou usu, meramente civil quedara reserváu a manifestaciones folclóricas, procesiones y romerías. Son un ellementu visual mui atrativu y los sous portadores son vraeiros mayestros na xeira de caltenelu n' equilibriu. Dende 2.004 esiste la "Asociación de Pendones del Reinu de Llión", que tien cumu oxetivos cimeiros la rïalización d' autividaes sociales, culturales y recreativas que se desenrrollan avenceyadas a la recuperación, caltenimientu, manifestación y difusión de los pendones llïoneses, cumu siñificaos ellementos qu' integran el nuesu patrimoñu y representan la nuesa identidá.

Aluche ou llucha llïonesa

La llucha llïonesa, de posible orixe celta, yá se citaba nel s. I e.C cumu dalgu típicu de ciertos pueblos del norte la península.
La llucha llïonesa chamada "aluche" consiste en derribar al oponente cimeiramente d' espaldas teniendu las manos engarradas permanentemente al cintu del contrariu. Pa eillu emplegarán una riestra de téunicas o "mañas" que les permitirán derribar al oponente, nun siendu continuada la llucha nel suelu.
El llugar onde se desenrrolla la llucha chamase "corru" y suel sere tradicionalmente un práu (anguañu tamién faisen sobru tapices) círcular d' ente 8 y 12 m. de diámetru.
La vestimenta ta formada pur camisa, pantalón cortu y un cinturón de cueru d' unos 3 cm d' anchu sobru' l que faise l' agarre.
Los combates finan al obtener un los contendientes 4 puntos ou al trascurrir 2 minutos dende l' entamu del mesmu, venciendu nesti casu el que más puntos tenga o en caso d' empate el de mayor ñiciativa a criteriu del arbitru. Las puntuaciones vienen consideradas pur:
-Cayídas enteiras (2 puntos), el lluchador derribáu fai contautu cul suelu cuna espalda ou sofita' l sou hombru pula parte posterior.
-Medias cayídas (1 puntu), cuandu contauta cul suelu de cualisquier outru xeitu ou suelta' l cinturón ensin asentimientu del árbitru.