L' autual País Llïonés tuvu yá habitáu dende' l Paleolíticu Superior. Hai costancia de rastros humanos d' esta época nel norte la provincia de Llión, concretamente en Llaciana y Valdeón. Del Paleolíticu Inferior los atopamos nas proximidaes de la ciudá de Salamanca.
Dientru del Neolíticu s' alcuentra' l periodu chamáu "Asturiense", pula apaición de picos tallaos de cuarcita carauterísticos d' esta época, a duos llaos del cordal cantábricu; onde dispués s' establecienun los astures.
De la época megalítica (2.500-1.750 e.C.) chegaran ata guei abondas d' estas costruciones, sobrutóu na provincia de Zamora.
